حبيت انقل لكم تجربتي مع مقشر القهوه من فرانك واتكلم شوي عنه ..
فرانك مقشر بالقهوه فيه منه ٤ انواع كلهم فيهم قهوه وعليهم اضافات كل نوع يختلف شوي عن الثاني
انا النوع اللي جربته اوريجينال وكلامي كله بيكون عنه ♥♥
ايش مكونات الاوريجينال ؟
- زيت اللوز الحلو
- برتقال
- فيتامينات
- معادن
ايش فوايده ؟ يعالج :
- البشره الجافه
- الستريتش ماركس
- السيلوليت
- الأكزيما
- الصدفية
- عروق الدوالي
- حبوب الشباب
طريقة الاستعمال :
ادخلو جوا الشاور بللو جسمكم و وجهكم .. خذو شوي بيدكم و بحركات دائريه وزعيه على جسمك + وجهك
وركزو على الاماكن الي فيها مشاكل خلوه من ٥ الى ١٠ دقايق واشطفوه بالمويا ..
* البشره الدهنيه + المختلطه كاتبين استخدمو غسولكم بعد ماتشطفونه.
كم مره يستخدم ؟
٢ - ٤ مرات بالاسبوع
اللي فوق كله كان من موقعهم الرسمي .. الحين بتكلم عن تجربتي وايش الاشياء اللي حسيت
انه صدددق عالجها لي وطريقة استخدامي له ..
اول انطباع لي عنه بعد اول استخدام كان ترطيب ونعووومه فضيعه !
مع الايام :
- الحبوب بدت تروح
- الاثار خفت
- معد شفت قشور
- مظهر بشرتي تحسن مرره
بالنسبه للستريتش ماركس والسيلوليت للامانه معرف، ماجربت الا على وجهي لان هو الي كان يحتاج
بالنسبه لطريقة استخدامي له :
ابلل وجهي بـ مويه شوي بعدين اخذ شوي من المقشر بيدي واحطه على وجهي
احرك يدي على وجهي بحركات دائريه بس بلطططف والله اذا بقوه سويتو بيحمر الجلد وبينجرح بعد
وركزو عالاماكن الي تبون تعالجونها .. بعدين اخليه ١٠ دقايق واغسل وجهي بالاصح تشطفون وجهكم افضل
يعني اذا انتي بستعملينه لوجهك وجسمك طبيعي بتدخلين البانيو بعد ١٠ دقايق حطي حق الشاور على وجهك
ويطيح السكرب من نفسه بدون ماتمسحين بيدك حسيت انه افضل عشان ماينجرح الوجه او يتحسس او شي زي كذا♥♥
(( ترى بيصير لون البانيو بنييي ف اشطفوه بعدكم عشان ماتنهار الخدامه لاشافته )) ♥
* صراحه انا شفت انو فيه روتين تستعملينه اسبوعين اول اسبوع كل يوم تستعملينه لوجهك
وثاني اسبوع يوم ايه يوم لا وشفت تجربة وحده اجنبيه مو بلوقر ولا شي اختفتتتت حبوبها مره وزانت بشرتها
بس للاسف دايم ابدا الاسبوع الاول والثاني يصير شي واسحب .. ان شاءالله بحاول استمر عليه يحمس
الايجابيات :
ترطيب - نعومه فضيعه - شعور بالنظافه - حبوب و اثار خفت - يخليني مرتاحه نفسياً صراحه ..
السلبيات :
ماحس فيه سلبيات كثيره يمكن ريحة البرتقال " ماحبها " حتى مو ذاك الزود قويه بس ذا الي لاحظته
وكيسته مو مره عمليه حطوه بعلبه قزاز تتسكر افضل احس.
برجع اشتريه ؟
عندي ثنين احتياط كنت متوقعه انه صدق زين ف اخذتلي زياده ♥
وبسسس خلصنا ان شاءالله اكون افدتكم لو شوي ♥ ♥ ♥
ويناسب البشرهه الدهنيه ؟ ع الوجه يعني
ردحذف