خطوات بسيطة للحصول على حواجب جميلة ومرتبه ♥

اهلين بنات كيفكم ♥

اتوقع اغلبنا نعرف ان الحواجب اهم شي بالوجه

هي اساس اي وجه و لازانت زان باقي المكياج والعكس صحيح 

 انا انسانه اول شي اشوفه بالبنت حواجبها اول شي يطيح عيني عليه

و للاسف للحين فيه بنات يطمسون الحاجب طمس بالقلم ولا الجِل لاينر :(

ف حبيت اكتب تدوينه عن هالشي واتمنى انها تساعد البنات

وترا مايبغالها شي  ماتاخذ ٥ دقايق ♥♥

                                     

اول شي احب امشط حواجبي كامله قبل لا ابدا ارسمها او بالاصح " اعبيها" ..

كل جهه بجي احددها امشطها قبل، مثلاً انا ابدأ بطرف الحاجب

 اقوم امشطه على فوق وارسم تحته عشان يوضحلي كل شي

 ومن فوق العكس امشط على تحت واحددها ♥

                                        

انا عنّي افضل اني ابدأ بطرف الحاجب اول ..

بهالفرشة من انستازيا اخذ شوي من الجِل واحدد طرف الحاجب بشكل خفيف 

*لاتكثرون من الجل  بيطلع لون قوي وصريح.

                                    

                                     

اذا بغيت شكلها يكون طبيعي اكثر بس استعمل الجل على الطرف

وبداية الحاجب اغير الفرشة و استعمل پاودر ..
 افضل هالفرشة اكثر من الاولى للپاودر احس توزعها بشكل خفيف
 ومو حااد زي الصغيره ♥

* نصيحة ابتعدوا عن رسمة المربع بداية الحاجب ارسمو خط عادي

 ومشّوه على فوق شوي بالفرشة وبعدها مشطوه بالمشط ..
 يارب فهمتو قصدي..

 الخطوة اللي قبل الاخيره امشّط كل شي سويته بمسكارا شفافه 
اللي بالصوره من ريميل لكن اي مسكارا شفافه تفي بالغرض ..
والله هالخطوووه مب بس تفرق يابنات حرفياً تدمج كل شي مع بعض ويصير
الشكل النهائي جداً طبيعي ♥

آخر خطوة اختياريه مو كل احد يفضلها لكن ممكن تضيف لمسة جميلة

عند بعض البنات

حطي نتتتفة من اي كنسيلر عندك وطبطبي ببيوتي بليندر صغيره او اصبعك ، لاتتقيدون بأي منتج حاطته انا حطيت اللي استعملهم وافضلهم

لكن ممكن انتي تستعملين شي افضل بس انا ما اعرفه ♥

يارب يكون واضح شرحي  واللي مافهمو نقطة الرسم من البداية

 ان شاءالله راح انزل ڤيديو تعليمي  بقناتي باليوتيوب

 بس خل اخلص اسبوع الضغط 😟

اتمنى انكم استفدتو و اشوفكم ان شاءالله في تدوينات قادمة ♥♥