اهلاً ♥
بحكيلكم عن بعض المنتجات اللي جربتها وهل عجبتني او لا ولو برجع اشتريه او لا؟
بس قبل كل شي تذكرو مو كل اللي يناسبني يناسبكم ♥♥
ببدا بشامبو بانتين اكثر كثافه..
فعلااً يكثف الشعر حبيته مره صرت ماستعمل غيره يكثف يعني يعطي مظهر الشعر الكثيف مو يعالجه ويكثره وكذا ..
لكن نصيييحه استعملو بعده بلسم عشان تقدرون تمشطون شعركم، ولا بيتقطع :(
اللي جنبه بلسم من دوڤ.. حبيته مررره !! وصدق حسيت عالجلي تساقط الشعر
ماصار يطيح شعر كثير احسه كان زي مكمل لحبوب الشعر بيرفكتيل
*كلهم رجعت شريتهم
هذا بلسم للشعر بالبيض حلووه ريحته تعجبني
احس اكثر شي ينفع للي شعورهم كيرلي او فيها نفشه خفيفه.. حسيته يرطب الشعر صدق
*كنت راح ارجع اشتريه لو ماشفت نتيجه حلوه من دوڤ
غسول نيتروجينا لحب الشباب
جميييل وفترة استخدامي له نظف بشرتي كويس وماكان يطلعلي حبوب وان طلع حبه بسسس
لكن برضو ماشفت منه علاج او شي واو .. حسيته بس حمالي بشرتي وماخلاها تتضرر من المكياج
* ماراح ارجع اشتريه عشان ابغا اجرب غيره
ديودرينت من دوڤ..♥
اللي يتابعوني ب سناب تشات يعرفون قد ايش اعشقه !!!
اول شي ريحته نظاااااافه ♥
ماسمرلي المنطقه الحمدلله .. احبه ومن مفضلاتي
* رجعت شريت منه بس اذا خلص بشتري بيزلين لكثر المدح عليه ف بجربه
يوم شريته ما انتبهت للاسم اول مره كان مكتوب انتعاش المدخنين
بس حسيته افضل من النوع الثاني ناسيه اسمه بس هم ٢ اذا ماني ملخبطه
صدق يبيض الاسنان بنات مب كلام فاضي ! والله جد حد خُرااافي♥
بس الحين لاني حاطه تقويم ف ماقمت احس بفرق بس جد جد حلوووو!!
* دايم ارجع اشتريه ماستغني عنه
كنسيييلر نارس ♥♥
احس مايحتاج اكتب عنه كلكم تعرفون رايي فيه
امووت فيه اكره مكياجيي بدونه !!! مدري شلون تقارنونه ب فيت مي حق ميبيلين !!
من جدكم؟؟؟؟ مافي مجال للمقارنه
تكلمت عنه بانستقرام بشكل مفصل شوي، اصلا بس اتكلم عنه هههه ♥
* كل ماخلص ارجع اشتري لازززم ♥
Laura mercier - Translucent Loose Setting Powder ♥♥
لوس باودر من لورا مارسيه ،، ذراتها ناااااعمه وخفيفه
وماتحسسك شعور الطبقه تحت عينك زي البنانا من بين ني..
تثبت الكنسيلر لي ويصير الملمس جمييل ناااااعم تحت عيني احطها بالاماكن اللي
تحتاج تثبيت زياده زي تحت العين وفوق هايلايت الخشم وشوي بالجبهه
(المكان اللي تحت الكونتور لو فهمتوني)
وبعد احط منها تحت كونتور الخد حلوه اشتروها لاززم !
* برجع اشتريها اكيييد اصلا قربت تخلص حقتي :(
مزيل المكياج من لوريال
كثير شبهوه ب بايوديرما !
انا اشوفه فاشل ومايتقارن ب بايوديرما الصراحه
اول شي ريحته شينه عالوجه، تصير بشرتي غرييبه اذا مسحت مكياجي
احس بملمس غريب .. واصلا مايشيل المكياج زين وذا الاهم !!
*مستحيل ارجع اشتريه.
اول شي ذا الكريم فيه بركه فضييييييعه
عكس سيتافيل اللي بسرعه خلص معي..
المهم انا حسيت يناسب اللي بشرتها شدييييييدة الجفاف او بس رطبو فيه جسمكم
للوجه ماحبيته ! احس شوي شوي يخلي الوجه دهنيي
انا بشرتي جافه لمختلطه وماحبيته يمكن يبيله وحده مب جافه اللي بعدها
* مابرجع اشتريه برجع اخذ سيتافيل افضل صراحه
هالحبوووب عشققققققيي !!♥♥♥♥
ماشاءالله حسنت شعري بشكل ملحووووظ بعد الله ..
طال شعري
مظهره صار صحي
بعضهم يقولون كثر شعرك بعضهم يحسون لا بس انا احس ب بيبي هير والله
والاهمم ! خففف التساقط عندي بشككلل فضيييع ماشاءالله !
اخذتها من بوتس لندن كان فيه عرض خذي ٢ والثالث مجاناً خلصت علبه
وبقالي ٢ .. هنا معرف لو فيه نفس ذي پلس هير بس شفت العاديه
نسيت كم حبه فيها الصراحه اتوقع زي هيرفينيتي ٦٠
مكتوب ورا حبتين باليوم بعد الاكل بس كثير قالولي تعور المعده خذي وحده
*عيبها طعمها يجيب الهم عشان كذا لو خلصت الباقيين خلاص معد بشتريها
حبوب hairfinity ♥♥
حلووه بعد طولت شعريي مره وطلعلي بيبي هير ذي فرقها عن اللي قبل اني لاحظت تحسن ببشرتي شوي
بس يمكن لاني استمريت عليها صصح عكس اللي فوق، ذي خلصتها بشهر وخلصت علبتين منها
ف شفت نتيجه صح بس الشي اللي ماشفته منها تساقط الشعر ماحسيت بفرق زي اللي فوق..
والحلو فيها مافيها طعم شين
*كلهم حلوين بس اذا خلصت اللي فوق بشتري هيرفينتي عشان طعم ذيك لايطاق
غسول من لانكوم يناسب جمييع البشرات
اللي عاجبني فيه احسه خفيييف هو رغوه تحطينه بيدك بعدين تسوين مساج لوجهك..
ينظف زيين ويشيل كل شي باقي من الميك اب
ماذكر لو منعلي من ظهور حبوب زي حق نايتروجينا بس انه خفيف وجميل
*ماراح ارجع اشتريه
وبسسس احبكم ♥♥♥♥♥♥
ليست هناك تعليقات:
إرسال تعليق